送你100M愛情

上客送禮，大自然定律。

實在我申請寬頻、申請收費電視、申請信用卡、申請會籍、訂閱雜誌、買化妝品就連買份報紙都會有禮送。

我只想睇報紙啦，你又膠袋又盛包厠紙又粗又薄我真係唔想要呢。不如平2蚊啦!

我要你張card鍾意個design，你無啦啦又整個狗狗月曆，我真係唔想要呢! 不如平2蚊啦!

我去便利店買野因為便利唔係因為你隻紙扎狗呢。不如平2蚊啦!

我買你支唇膏因為色靚，你無啦啦又整支怪色lip gloss過我。不如平2蚊啦!

$2 $2 $2 + $2 = 平左$8 (開心哂)

實在係咪我有問題呢? 唔好攪到我一屋都係D唔要又唔係要又唔係既禮物好唔好?況且，我唔信有免費既好野!講左好多次啦，想送D actual value好平但receive value好高既禮品? 愛情囉! 申請寬頻即送你100M愛情! 你仲唔申請?