無反應

從小到大，我好像對什麼也沒有太大反應。

那些應該令人悲傷的、令人開心的、令人期待的、令人卻步的、令人失望的、令人掛念的......
什麼什麼應該有的反應我都好像沒有。

但沒有反應，不代表沒有感覺。
反應反映不出感覺令我經常目光呆滯，面無表情，痛苦非常，因為什麼表情都不是。

我解釋不到未能真情流露的真正原因，可能是反應遲鈍，可能是自我保護，可能是自卑自大，可能是我自己都找不著自己，更可能是怕得不到應有的回應。

廢話要聽過才知，噪音每日都有人在量度。沒人聽的話只是空氣在震動，連廢話噪音都談不上。

又或我出盡九牛二虎之心力去說真心話但都沒人懂，我會傷心至極經脈盡斷。

因為太介意所以不介意。那我們還是風花雪月好了。

[Blog Tag] － 我的擇偶條件

如果無limitation下去諗，咪就係:

細心溫柔體貼善解人意但唔婆媽，
超級愛我專一得黎唔黏身，
有愛心得黎唔濫情，
學識淵博但唔浮跨，
風趣健談得黎唔多口，
高大威猛但唔塞地方，
成熟穩重得黎唔老土，
有才華內涵得黎唔自大，
有事業得黎有時間，
識飲識食但唔揮霍，
能夠相知相交得黎有自己空間，
有理想得黎又踏實，
有錢得黎唔好太有錢(我好貪錢嫁!只係但怕太有錢好煩) ，
同靚仔過吳彥祖......

差唔多啦!
係囉! 邊有咁既盤?
有又點會輪到我?
但諗都唔諗得完美啲又點對得住自己？
所以呢，擇偶條件這個問題我做咗咁耐人都未答過，亦答唔到。如果真係可以有張list對住黎tick就人生無煩惱啦! e-bay實搵到!

我亦嘗試從經驗分析自己既擇偶條件，因為連我自由都估我自己唔到，點知......
我以為自己一定鍾意靚仔，原來都會鍾意D好唔靚仔;
我以為自己一定鍾意高大威猛，原來都會鍾意D唔高既;
我以為自己一定鍾意有才華，原來都會鍾意D唔知叻咩既;
我以為自己一定鍾意有錢，原來都鍾意唔到AE黑卡。

人人叫我唔好咁picky......我成日反抗，因為我都唔知pick咩？

美事

唔講唔講，其實，一直以來，超級掛住妳。

每每有人問起妳的近況，我總支吾以對，心感可惜，更帶點內疚，自問是否可以做點什麼?須知我不是那些攪氣氛高手，妳代我如親人般令我說不出半句客套話，若相對無言會令人更加不知所措，實在是逃避......

多得那些又多事又八掛又可愛的cute bitches一手促成的美事，在那暴雨後忽然晴朗的下午，我隔著玻璃窗看見妳，立即感覺腦部缺氧，思想麻痺，心臟停頓，嚴重過在最"ar-wu"時撞見初戀情人我定定神，心知那一定是個天羅地網般的刻意安排，還未踏入門口已經心存感激，主謀人一定了解妳我什多，還在事前當了外交官說盡好話。後來，一切都比想像中完美。

到那夜我們真心擁抱，原來所有的事都幼稚得可以。我那句寫在"紀念册"的話，不是隨便說說的。

還有，妳那個擔心實在是多餘，若活在古代我滿有信心拿貞節牌坊，絕對唔會姣婆守唔到寡